Lajme Shqip Tuesday, 22 September 2015 19:52

Festivali Ndërkombëtar i Filmit “Bridge Film Fest” që ka filluar në qytetin e Mitrovicës më datë 16 shtator, sonte mban ceremoninë e ndarjes së çmimeve.

Sipas njoftimit për medie të organizatorit të këtij festivali, përveç personaliteteve të njohura të komunitetit artistik në këtë ceremoni pritet do të marrin pjesë edhe ambasadori i Ambasadës së Norvegjisë Z. Jan Braathu, kryetari Agim Bahtiri, dhe të tjera.

Në këtë ceremoni do të ndahen këto çmime:

Filmat e metrazhit të gjatë:

Filmi më i mirë ndërkombëtar

Kinematografia më e mirë

Regjisori më i mirë

Skenari më i mirë

Aktorja më e mirë

Aktori më i mirë

Filmat e metrazhit te shkurtër:

Filmi më i mirë i shkurtër ndërkombëtar

Filmi më i mirë i shkurtër amerikan

Filmi më i mirë i shkurtër evropian

Filmi më i mirë i shkurtër ballkanik

Filmi më i mirë i shkurtër “Bridge”

Filmi më i mirë dokumentar “Green”

Në këtë festival përgjatë këtyre ditëve janë shfaqur filma nga Shtetet e Bashkuara te Amerikës, Britania e Madhe, India, Franca, Irani, Spanja, Kanada, Italia, Brazili, Gjermania, Turqia, Rusia, Australia, Polonia, Irlanda, Argjentina, Egjipti, Norvegjia, Korea, Portugalia, Austria, Zvicra, Danimarka, Singapori, Greqia, Serbia, Shqipëria, Maqedonia, Bullgaria, Ekuadori, Kosova, Angola, Afrika Jugore, Pakistani, Hong Kongu, Bosnja, Kuba, Bjellorusia, Sllovenia, Sllovakia, Vietnam, Algjeria, Uganda, Luksemburgu, Guadalupe, Isle of Man, Gana, Katari e shumë vende tjera.