Lajme Shqip Thursday, 22 October 2015 08:03

Marrëveshjet gjithqysh do të tërhiqen. Por, se a do të tërhiqen me anulim, me rënie të Qeverisë apo me zgjedhje, pritet të shihet kur të tërhiqen, thotë lideri i AAK-së, Ramush Haradinaj.

Kryetari i AAK-së, Ramush Haradinaj, ka thënë se opozita nuk po ushtron dhunë.

Sipas tij, opozita po i mbron institucionet dhe demokracinë.

Ai ka thënë se dhunë mbi shtetin e Kosovës është duke ushtruar koalicioni qeverisës.

Haradinaj në një intervistë për ‘Epokën e Re’, ka porositur Kryeministrin Isa Mustafa ta anulojë marrëveshjen për Asociacionin dhe atë për demarkacionin, në të kundërtën të largohet nga posti i Kryeministrit.

Ai ka bërë me dije se opozita do të marrë pjesë në seancën e së premtes dhe nuk do të ndryshojë qëndrim në veprime.