|
|
e Hënë, 27 Gusht 2012 14:10 Zdenek Zeman konfirmohet si një nga personazhet më të veçantë në botën e futbollit. Trajneri çek i Romës, ka shpërthyer në kritika menjëherë pas ndeshjes që skuadra e tij barazoi 2-2 në “Olimpiko” kundër Katanias në javën e parë të Serisë A.
“Ishim shumë të ngadaltë, treguam pak agresivitet dhe e paguam për këtë gjë. Ne na duhet ende të punojmë shumë ndërsa Toti e Lamela mund të luajnë më mirë se kaq. Kishim 5 debutues në skuadër dhe ata u ndikuan nga fakti që stadiumi ynë ishte i mbushur me tifozë. Por ju garantoj se në 6 javët e fundit kemi punuar për diçka krejt ndryshe nga ajo që keni parë sot”, ishin fjalët e Zeman që pastaj i ka vënë fajin edhe gjyqtarëve.
“Rezultati është i drejtë por ne gjithashtu vuajtëm nga gabimet e gjyqtarëve. Pësuam dy gola, të dy të ndikuar nga pozicione jashtë loje të ekipit kundërshtar”, ishte polemika e tij ndaj “xhaketave të zeza”, ndërsa theksoi se nuk i interesonte fakti që klubi kishte si politikë të vetën të mos kritikonte gjyqtarët.
“Ky është një zakon i imi. Unë i kritikoj lojtarët kur bëjnë diçka të gabuar dhe të njëjtën gjë e bëj me gjyqtarët. Mendoj se ne duhet të lejohemi të flasim për atë që ndodh në fushën e lojës përsa i përket gjyqtarëve”, vijoi ai polemikën ndaj drejtuesve të klubit të Romës.
Në fund, disa fjalë edhe për armiqtë e përjetshëm të Juventusit dhe dënimin e trajnerit Antonio Konte. “Po të isha në vendin e tij, do të kisha pezulluar veten”, ishte batuta e trajnerit çek që nënkuptonte se Konte ishte i përfshirë në manipulimin e ndeshjeve. (LajmeShqip.com)
Beil, 200 mijë paund në javë për të qëndruar te Totenhem
Klubi i ofron uellsianit rrogën më të lartë në Angli për ta mbajtur edhe një sezon tjetër
lexo më shumë »Milan përgënjeshtron shkarkimin e Alegrit
Reagimi vjen pak orë pasi në media qarkulloi një deklaratë e Berluskonit për “ndryshim të plotë në stafin teknik”
lexo më shumë »Roberto Karlos pranë pankinës së Sivaspor
Braziliani mund të fillojë karrierën e trajnerit me një detyrë në kampionatin turk
lexo më shumë »Barcelona fillon të kërkojë zëvendës për Vilanovan
Vizitat e herëpashershme në Nju Jork të trajnerit aktual shtojën dyshimet rreth të ardhmes
lexo më shumë »Zyrtare: Murinjo ikën nga Reali në qershor
Presidenti i madrilenëve, Florentino Perez, konfirmon zërat që qarkullonin prej kohësh në media
lexo më shumë »