|
|
e Shtunë, 06 Tetor 2012 11:40 Adam Xhonson ka këshilluar yjet e ardhshëm anglezë të mos firmosin për skuadrën e Mançester Sitit. Lojtari u transferuar te Sandërlend gjatë verës, pasi nuk arriti të tregonte vlerat e tij në radhët e ekipit të drejtuar nga Roberto Mançini, të cilin do ta ketë si kundërshtar sot.
“Nëse do të isha një djalë i ri, nuk do të shkoja te Mançester Siti. Nuk është për shkak se nuk je i mirë sa duhet, është se lojtarë si Jaja Ture do të luajnë në formacion para teje pavarësisht asaj që je në gjendje të bësh ti”.
“Unë do të këshilloja lojtarët e rinj anglezë që të mos shkonin atje pasi nuk do të kishin mundësi të luanin aq sa dëshirojnë”.
25 vjeçari Xhonson, i cili do të luajë si titullar në ndeshjen kundër skuadrës së tij, shpjegoi situatën absurde që ka përjetuar në radhët e skuadrës që sezonin kaluar fitoi titullin kampion.
“Unë e kam përjetuar këtë situatë dy vite më parë, por kjo gjë po ndodh edhe me lojtarë të blerë kohët e fundit. Është diçka e shkëlqyer kur të kërkon një klub si Mançester Siti, ata janë kampionët. Por në të vërtetë ti nuk luan për ta, je thjesht pjesë e ekipit që është diçka krejtësisht ndryshe”, tregoi lojtari.
Xhonson ka luajtur 11 ndeshje me fanellën e përfaqësueses angleze, por mungesa e aktivizimit me skuadrën e Mançinit dëmtoi shanset e tij për të qenë një lojtari rregullt në formacionin e “tre luanëve”, situatë në të cilën gjenden aktualisht futbollistë si Xhejms Milner, Xhek Roduell dhe Skot Sinkler.
“Unë nuk luajta në Botëror dy vite më parë për shkak se nuk po aktivizohesha me ekipin tim. Unë me shumë mundësi isha në gjendje më të mirë se pjesa më e madhe e lojtarëve që luanin sa dyfishi im. Kjo është një prej arsyeve pse erdha te Sandërlend. Dua të luaj më shumë dhe të rifitoj vendin tim në kombëtaren angleze”, deklaroi Xhonson. (LajmeShqip.com)
Juventusi mundet nga Sampdoria në javën e fundit
Gjenovezët janë të vetmit që i kanë mundur në dy ndeshje kampionët e Italisë në këtë sezon
lexo më shumë »Bajerni mbyll kampionatin me një tjetër triumf
Bavarezët regjistrojnë 91 pikë pas 34 javësh duke marrë fitoren e 16-të në 17 ndeshjet e fazës së dytë
lexo më shumë »Alegri: Kjo është konferenca e fundit… për këtë vit!
Trajneri i Milanit ironizon me zërat e zakonshëm për largimin e tij nga drejtimi i kuqezinjve
lexo më shumë »Markez siguron një tjetër pole në Le Mansh
Spanjolli i Hondas mund bashkëkombësin e tij, Horge Lorenco, për vetëm 30 të mijtat e sekondës
lexo më shumë »Borusia vë fanellën e Solskjaer në muzeun e klubit
Vendimi i veçantë merret për t’u tallur me Bajern Mynih, pak ditë para finales së Ligës së Kampioneve
lexo më shumë »