|
|
e Mërkurë, 15 Gusht 2012 22:27 Ka përfunduar me rrjeta të paprekura miqësorja mes përfaqësueses shqiptare të futbollit dhe Moldavisë, e luajtur në stadiumin “Qemal Stafa”. Në një takim kur pritej konfirmimi i një skuadre të fortë për eliminatoret e Botërorit 2014, zgjedhjet e De Biasit kanë zhgënjyer, duke shfaqur shumë pak para publikut shqiptar dhe duke mos arritur të përsëritin formën e mirë të shfaqur në miqësoret e mëparshme.
De Biasi ka bërë eksperimente duke u bazuar në formacionin që do të hidhte në fushë për ndeshjen me Qipron, duke aktivizuar nga minuta e parë Ujkanin në portë, e para tij Dallkun, Canën, Mavrajn e Lilën, me këtë të fundit që “debutonte” në pozicionin e mbrojtësit të majtë. Në mesfushë, Bulku e Memushaj luanin në qendër, ndërsa Vila e Bakaj nga krahët, për të mbështetur dyshen e sulmit Salihi-Çani.
Është pikërisht emri më i ri i sulmi kuqezi që bëhet protagonist në disa aksione radhazi në fillimin e takimit, duke pasur mundësi që në minutën e 2-të të ndeshjes për të gjetur avantazhin, por gjuajtja e tij me kokë nuk përfundon në kuadrat. Por fillimi i vrullshëm nuk vazhdon gjatë dhe loja bie në ritme monotone, për shkak të pasaktësisë së kuqezinjve, ndërsa moldavët rrinë në mbrojtje dhe mendojnë më shumë për të mos pësuar gola.
Mesfusha kuqezi duket se është problemi kryesor pasi nuk arrin të furnizojë siç duhet Salihin e Çanin, me këta të fundit që detyrohen shpesh të kthehen mbrapa për të marrë topin. Çani ka edhe një tjetër mundësi me një gjuajtje me kokë në minutat fundit të pjesës së parë, që mbyllet me shumë pak gjëra për t’u shënuar.
De Biasi bën lëvizje të menjëhershme në pjesën e dytë, duke larguar Çanin e Memushajn, për t’i bërë vend Bogdanit e Roshit. Por përsëri kuqezinjtë nuk arrijnë të gjejnë një të çarë në mbrojtjen kundërshtare dhe thuajse çdo aksion i krijuar përfundon pa një gjuajtje në portë.
As aktivizimi i Agollit, Zeqirit e Hykës nuk shërben për të ndryshuar këtë situatë dhe ndeshja mbyllet me një barazim që ka krijuar shumë pikëpyetje mbi mundësitë që ka kombëtarja jonë për të arritur rezultate pozitive gjatë eliminatoreve të Botërorit 2014. Ndonëse trajneri De Biasi e ka cilësuar këtë si një test i rëndësishëm për të parë gjendjen e futbollistëve, vështirë se ai do të jetë kënaqur nga ajo që ka parë në fushën e lojës, pasi çdo repart ka shfaqur probleme të cilat në një ndeshje zyrtare duhen evituar për të shmangur humbjet. (LajmeShqip.com)
Murinjo me plane të mëdha për sulmin e Çelsit
Portugezi insiston të marrë me vete Kristiano Ronaldon nga Reali, ndërsa ndjek edhe Kavanin e Runin
lexo më shumë »Riberi nuk ka dyshime: Jemi më të fortë se Borusia!
Mesfushori mendon se surprizave të Dortmundit do t’u vijë fundi në finalen e “Uemblit”
lexo më shumë »Gëtze, lamtumirë finales së Ligës së Kampioneve
Dëmtimi i mesfushorit zgjidh telashin e madh për Klop, duke ditur që tashmë talenti urrehet nga tifozët e Borusia Dortmund
lexo më shumë »Kombëtarja nis grumbullimin “me pjesë”
Nuk është bërë ende publike lista e lojtarëve anti-Norvegji, por De Biasi fillon punën me lojtarë të kampionatit shqiptar
lexo më shumë »Mesi: Transferimi i Neimar do të ishte fantastik për ne!
Argjentinasi mirëpret brazilianin në radhët e Barcelonës, për të formuar një dyshe të pandalshme
lexo më shumë »