|
|
e Premte, 21 Shtator 2012 17:27 Naser al Khelaifi ka shkruar që tani emrin e tij në historinë e futbollit francez, duke u bërë pronari i parë jo-francez i PSZH. Por 39 vjeçari nga Katari nuk dëshiron të ndalet këtu dhe më e paratë e tij ka marrë disa prej talenteve më të mëdhenj të futbollit botëror, pasi dëshiron ta kthejë skuadrën e tij në superfuqi.
Në një intervistë për “Marca” ai ka treguar se si i është dukur transformimi i skuadrës që në momentin që e ka marrë, pasi më në fund parisienët u kthyen edhe në Ligën e Kampioneve ku mungonin prej rreth 8 vitesh.
“Ky është një fillim i shkëlqyer dhe ishte diçka e bukur të dëgjoje himnin e Ligës së Kampioneve për klubin tonë. Por kemi ende shumë punë për të bërë. I kam ndjekur ekipet spanjolle, Barça dhe Reali janë dy skuadra të mëdha, duhet të marrim shembull prej tyre”.
“Paratë që kemi shpenzuar ndihmojnë, por nuk na sigurojnë tituj. Ne kemi para në Katar, po nuk duam t’i shpenzojmë si të çmendur. E dimë se çfarë kërkojmë dhe merkatoja e futbollistëve na ka hyrë në punë për qëllimet tona. Lojtarët që kemi marrë, kanë mbajtur rrogat e klubeve të mëparshme. Na kritikojnë se shpenzojmë shumë, por thjesht po bëjmë atë që kanë bërë të tjerë para nesh për të kthyer një klub të vogël në një klub të madh. Objektivi im është të bëj PSZH një nga klubet më të mëdha në Evropë dhe mendoj se jam në rrugën e duhur”, tha ai.
“PSZH është ende larg skuadrave më të mira në Evropë, por ne po flasim për një projekt 5-vjeçar. Fillimisht deshëm të hynim në Ligën e Kampioneve. Tani duam të fitojmë titullin në Francë dhe të paraqitemi denjësisht në Evropë. Më pas të shohim. Kemi shpenzuar para, por nuk po punojmë vetëm me merkaton. Në Paris dhe rrethina jetojnë 20 milionë njerëz ndaj aty duhet të ketë talente të mëdha. Po kërkojmë Mesin e ri dhe shpresojmë ta gjejmë shumë shpejt”, përfundoi ai. (LajmeShqip.com)
Murinjo me plane të mëdha për sulmin e Çelsit
Portugezi insiston të marrë me vete Kristiano Ronaldon nga Reali, ndërsa ndjek edhe Kavanin e Runin
lexo më shumë »Riberi nuk ka dyshime: Jemi më të fortë se Borusia!
Mesfushori mendon se surprizave të Dortmundit do t’u vijë fundi në finalen e “Uemblit”
lexo më shumë »Gëtze, lamtumirë finales së Ligës së Kampioneve
Dëmtimi i mesfushorit zgjidh telashin e madh për Klop, duke ditur që tashmë talenti urrehet nga tifozët e Borusia Dortmund
lexo më shumë »Kombëtarja nis grumbullimin “me pjesë”
Nuk është bërë ende publike lista e lojtarëve anti-Norvegji, por De Biasi fillon punën me lojtarë të kampionatit shqiptar
lexo më shumë »Mesi: Transferimi i Neimar do të ishte fantastik për ne!
Argjentinasi mirëpret brazilianin në radhët e Barcelonës, për të formuar një dyshe të pandalshme
lexo më shumë »