|
|
e Hënë, 08 Tetor 2012 14:10 Mbrojtësi i Real Madrid, Pepe dhe trajneri i Barcelonës, Tito Vilanova, janë bërë protagonistë të një polemike në distancë pas përfundimit të “El Clasico”. Gjithçka ka filluar me pretendimet e Andres Iniesta për një 11-metërsh pas një kontakti me Pepe gjatë lojës.
“Ata janë shumë teatralë. Të gjithë e patë vetë. Iniestan as nuk e preka dhe e patë se si u rrotullua në tokë, por ne jemi mësuar tashmë me gjëra të tilla. Rezultati nuk është i drejtë, pasi Reali bëri më shumë për ta fituar ndeshjen sesa Barcelona. Në pjesën e parë ata krijuan vetëm një rast, atë të golit”, ishte deklarata e Pepe para gazetarëve.
Pas kësaj akuze, ka ndërhyrë edhe trajneri i katalanasve, Tito Vilanova, i cili i është kundërpërgjigjur menjëherë mbrojtësit portugez, duke i kujtuar këtij të fundit se nuk ishte ai shembulli i lojës korrekte në fushë.
“Për atë që thotë Pepe, duhet t’’i bëjmë një video me të gjitha pamjet e tij dhe të gjithë shkelmat që jep në fushën e lojës. Të gjykosh është e vështirë. Nëse duam të analizojmë, atëherë duhet të shohim gjithçka dhe jo vetëm atë që na intereson”, tha Vilanova i cili duket se ka lënë pas problemet që ka patur në të kaluarën me Zhoze Murinon dhe ka bërë paqe me të.
“U takuam në tunel, më tha “ndeshje e shkëlqyer” dhe ashtu i thashë edhe unë. Më përpara nuk kisha asnjë lloj marrëdhënie me të, ndërsa tani përshëndetemi”, tha ai, duke lënë të kuptohet se incidenti i famshëm i gishtit në sy ishte harruar plotësisht. (LajmeShqip.com)
“O’Globo”: Neimar prezantohet te Barça në korrik!
Sipas gazetës braziliane, futbollisti ka nënshkruar akordin për të shkuar te katalanasit menjëherë pas Kupës së Konfederatave
lexo më shumë »Morati i bën dalje Stramaçionit
Mungon vetëm zyrtarizmi i largimit të trajnerit të ri nga drejtimi i zikaltërve, ku pritet të emërohet Mazarri
lexo më shumë »Beil, 200 mijë paund në javë për të qëndruar te Totenhem
Klubi i ofron uellsianit rrogën më të lartë në Angli për ta mbajtur edhe një sezon tjetër
lexo më shumë »Milan përgënjeshtron shkarkimin e Alegrit
Reagimi vjen pak orë pasi në media qarkulloi një deklaratë e Berluskonit për “ndryshim të plotë në stafin teknik”
lexo më shumë »Roberto Karlos pranë pankinës së Sivaspor
Braziliani mund të fillojë karrierën e trajnerit me një detyrë në kampionatin turk
lexo më shumë »