|
|
e Diel, 08 Korrik 2012 17:03 Dani Pedroza ka fituar garën e tij të parë për këtë sezon në MotoGP duke triumfuar në pistën e Saksenring në Gjermani, suksesi i tretë radhazi në këtë cirkuit për të. Në një garë pa shumë emocione, gjithçka është bërë entuziazmuese vetëm në xhirot e fundit, pasi Kejsi Stoner është rrëzuar rreth 500 metra larg finishit duke i dhënë vendin e dytë dhe kryesimin e kampionatit rivalit të tij të madh Horge Lorenco.
Që në xhirot e para shihej qartë se kjo garë do të ishte një duel brenda skuadrës Honda, me Stoner e Pedrozën që shkëputen lehtësisht nga të tjerët dhe vazhdojnë duelin mes tyre. Kur kishin mbetur 11 xhiro nga fundi, spanjolli kaloi pilotin australian por ky i fundit i qëndroi afër duke tentuar ta kalonte në xhiron e fundit. Por një gabim rreth 500 metra nga finishi nxori Stoner jashtë gare, duke bërë që Pedroza të kalonte i vetëm poshtë flamurit me kuadrate.
Pas tij u rendit shumë i shkëputur Horge Lorenco, i cili arriti të marrë 20 pikë shumë të vlefshme në luftën për titullin kampion, sidomos duke patur parasysh se para rrëzimit të Stoner, ai e shihte veten në vendin e dytë në renditje, ndërsa tani kryeson i qetë botërorin.
Vendi i tretë i ka shkuar Andrea Doviciozo me Jamaha Tek 3, pasi ky i fundit ka mundur në duel amerikanin Ben Spis me Jamahan zyrtare.
Lufta për 6 vendet e radhës është përcaktuar me një finale në fotofinish, ku për disa të qindtat e sekondës ka qenë Stefan Bradl që ka dalë para Valentino Rosit, të ndjekur më pas nga Bautista, Kraçlou, Barbera dhe Hejden. (LajmeShqip.com)
Renditja e botërorit të MotoGP
160 Horge Lorenco (Jamaha)
146 Dani Pedroza (Honda)
140 Kejsi Stoner (Honda)
92 Andrea Doviciozo (Jamaha Tek 3)
85 Kal Kraçlou (Jamaha Tek 3)
71 Valentino Rosi (Dukati)
67 Alvaro Bautista (Gresini Honda)
65 Niki Hejden (Dukati)
62 Stefan Bradl (LCR Honda)
61 Ben Spis (Jamaha)
53 Hektor Barbera (Pramak Dukati)
Marcelo: Mos flisni për Spanjën sikur është në finale!
Futbollisti brazilian mendon se iberikët kanë ende punë për të bërë që të fitojnë elozhe
lexo më shumë »Murinjo: Lojtarët egoistë nuk kanë vend te Çelsi im
Trajneri i londinezëve tregon qartësisht se nuk do të shohë emrat individualë të lojtarëve të tij
lexo më shumë »Dortmundi konfirmon qëndrimin e Levandovskit
Klubi nuk do të lërë të largohet lojtarin deri në fundin e kontratës së tij
lexo më shumë »Baloteli nuk njeh rregullat e futbollit
Sulmuesi pranon se nuk ia kishte idenë se skualifikohesh pas dy kartonëve të verdhë
lexo më shumë »Spanja tregon forcën përballë Uruguait
Iberikët fitojnë 2-1 përballë latino-amerikanëve në një ndeshje të dominuar nga fillimi deri në fund
lexo më shumë »