|
|
e Shtunë, 29 Shtator 2012 08:40 Mesfushori i Hofenhaim, Boris Vukçeviç, është plagosur rëndë në një incident automobilistik të ndodhur gjatë pasdites së djeshme. 22 vjeçari ka qenë në drejtimin e makinës së tij kur është përplasur në mënyrë ballore me një kamion në rrugën mes Hofenhaim dhe Haidelberg. Makina e lojtarit gjerman me origjinë kroate, është shkatërruar plotësisht pas këtij incidenti ndërsa ai është dërguar me urgjencë në spital ku i është nënshtruar një ndërhyrje të gjatë kirurgjikale dhe mbetet në koma.
“Vukçeviç ka mbetur i plagosur pasi makina e tij është përfshirë në një përplasje ballore me një kamion gjatë pasdites të së premtes. 22 vjeçari ka marrë plagë të rënda në kokë në momentin e përplasjes dhe është dashur të transportohet me helikopter në Haidelberg. Ai i është nënshtruar menjëherë operacionit dhe aktualisht është në koma farmakologjike. Gjendja e tij është kritike dhe për momentin perspektiva e tij është e paparashikueshme”, shkruhet në njoftimin e publikuar nga vetë klubi i Hofenhaim.
“Lajmi na ka tronditur”, shpjegoi Andreas Myler, drejtori i përgjithshëm i Hofenhaim. “Skuadra dhe trajneri janë të tronditur. Të gjitha mendimet tona shkojnë për familjen e Boris”.
Vukçeviç ka shënuar 6 gola në 78 ndeshje në Bundesligë me fanellën e Hofenhaim. Sipas shtypit gjerman, ish-lojtari i kombëtares U-21 të këtij vendi, po udhëtonte me shpejtësi 76 km/orë, pak më shumë se limiti prej 70 km/orë që ishte në rrugën ku ndodhi aksidenti automobilistik. (LajmeShqip.com)
Fabregas: 100 milion euro për Beil është ekzagjerim!
Futbollisti spanjoll mendon se klubet po e teprojnë me ofertat që kanë filluar të bëjnë
lexo më shumë »Spanja konfirmohet Kampione Evrope në U-21
Iberikët mundin 4-2 Italinë në finale. Golashënuesi më i mirë shpallet Alvaro Morata ndërsa Isko shpallet futbollisti më i mirë i turneut
lexo më shumë »Arbeloa: Të lavdërosh Murinjon është kthyer në sakrilegj!
Mbrojtësi i Real Madrid insiston të flasë pozitivisht për trajnerin portugez edhe pse u largua nga klubi
lexo më shumë »Ueber: Po humb argëtimi i Formula 1!
Piloti i Red Bull mendon se pasiguria e gomave po shkatërron emocionet e garave
lexo më shumë »Higuain drejt Arsenalit që në këtë javë
“Topçinjtë” janë gati të paguajnë 22 milion paund për sulmuesin, ndërsa do të marrin edhe Ijaramendin
lexo më shumë »