|
|
e Diel, 23 Shtator 2012 18:22 Supersfida mes rivalëve historikë të Liverpul dhe Mançester Junajtid ka përfunduar 2-1 në favor të të dytëve, që kanë siguruar fitoren e parë në stadiumin “Anfilld” që nga dhjetori i vitit 2007. Për herë të parë pas shumë kohësh, tifozeritë e dy skuadrave u bashkuan për të nderuar viktimat e Hillsborou, ndërsa edhe Evra e Suarez bënë paqe publikisht duke i dhënë dorën njëri-tjetrit para takimit.
Atmosfera miqësore në tribuna nuk pengoi ndeshjen të tregonte emocione nga minuta e parë në të fundit. Ishte Liverpuli që dominoi pjesën e parë, ndonëse edhe Junajtid u paraqit në një formë të mirë dhe të dy portierët ishin protagonistë me pritjet e tyre për të shpëtuar portën. Por ndeshja u ndikua shumë nga vendimi i gjyqtarit kryesor për të ndëshkuar mesfushorin e Liverpulit, Shelvi, me karton të kuq pasi kishte kaluar pak më shumë se gjysmë ore nga fillimi i takimit.
Por gjithsesi, ishte Liverpuli që shënoi golin e avantazhit me kapitenin Xherard që gjeti rrugën e rrjetës në fillimin e pjesës së dytë. Por ky avantazh nuk zgjati shumë, pasi 5 minuta më vonë, Rafael vendosi përsëri barazpeshën.
Ndeshja u bë edhe më interesante, me raste nga të dyja palët, por në fund ishte superioriteti numerik në fushë që bëri diferencën dhe Valencia fitoi një 11 metërsh në minutën e 80-të, që u transformua saktësisht nga Van Persi. Suksesi i Mançester Junajtid ngjiti skuadrën e Ferguson në vendin e dytë në renditjen e kampionatit, ndërsa Liverpuli mbetet në vendin e tretë nga fundi, në atë që është fillimi më i dobët i sezonit në shekullin e fundit.
Në takimet e tjera, bie në sy barazimi 1-1 mes Mançester Sitit dhe Arsenal, me të dy skuadrat që konfirmojnë se këtë sezon do të jenë pretendente, edhe pse kanë humbur terren në renditje në krahasim me Çelsin e Mançester Junajtid. (LajmeShqip.com)
PREMIER LEAGUE
JAVA 5 / REZULTATET
Liverpul-Mançester Junajtid 1-2
46’ Xherard / 51’ Rafael. 81’ (p) Van Persi
Njukasëll-Noruiç 1-0
20’ Ba
Mançester Siti-Arsenal 1-1
40’ Leskot / 82’ Koshçielni
Totenhem-QPR 2-1
59’ (ag) Faurlin, 61’ Defo / 33’ Zamora
RENDITJA: Çelsi 13 pikë, Mançester Junajtid 12, Uest Bromuiç 10, Everton 10, Fullhem 9, Mançester Siti 9, Arsenal 9, Uest Hem 8, Njukasëll 8, Totenhem 8, Suonsi 7, Uigan 4, Stouk 4, Aston Vila 4, Sandërlend 4, Sauthempton 3, Noruiç 3, Liverpul 2, QPR 2, Riding 1.
45 të dënuar në Hungari për manipulime ndeshjesh
Përfundon gjyqi rreth organizatës kriminale ku mes liderëve është ish-mesfushori i Tiranës, Zoltan Kenesei
lexo më shumë »Bajern nuk zë mend, rezervon që tani festën!
Bavarezët janë të sigurt se do të mundin Borusian, aq sa kanë zënë një sallë për festën deri në 5 të mëngjesit pas finales
lexo më shumë »Reali i ri fillon nga Isko
Mesfushori i Malagas është objektivi i parë i rëndësishëm i merkatos së verës
lexo më shumë »Çfarë duhet të dini për finalen e Ligës së Kampioneve
Kuriozitete, fakte dhe shifra për ndeshjen e të shtunës mes Bajern Mynih dhe Borusia Dortmund
lexo më shumë »LeBron Xhejms vërteton pse është shpallur MVP
Ylli i Majemit udhëheq skuadrën në fitoren 103-102 në kohë shtesë të sfidës së parë ndaj Indianas
lexo më shumë »