|
|
e Diel, 07 Tetor 2012 21:05 Lionel Mesi dhe Kristiano Ronaldo kanë qenë protagonistët e një ndeshje të madhe në “Kamp Nou” mes Barcelonës dhe Real Madrid, të përfunduar me rezultatin e barabartë 2-2 që ruan distancën prej 8 pikësh mes dy ekipeve në renditje. Dy yjet e gjigandëve spanjollë kanë vendosur takimin me golat e tyre, duke vazhduar edhe duelin me njëri-tjetrin për kryesimin në renditjen e golashënuesve, por sidomos për “Topin e Artë”.
Në fakt ka qenë Reali që ka luajtur më mirë në minutat e para të ndeshjes, falë edhe gabimeve në mesfushën e Barcelonës, ku çdo top i humbur kthehej në një rast për madrilenët. Barazia do të prishej në minutën e 23-të, kur Kristiano Ronaldo shënon nga e majta pas një aksioni model të skuadrës së tij. Pak çaste më vonë, Benzema ka rastin të mbyllë ndeshjen, po godet shtyllën, ndërsa i gjithë stadiumi “Kamp Nou:” është në heshtje të plotë. Megjithatë, entuziazmi i vendasve rizgjohet vetëm pak minuta më vonë, kur Lionel Mesi përfiton nga një gabim i Pepe për të dërguar topin në rrjetë duke vendosur barazinë në shifra.
Barcelona e mbyll në sulm pjesën e parë dhe e fillon po në sulm pjesën e dytë. Falë këtij insistimi vjen edhe goli avantazhit tashmë për Barcelonën. Mesi këtë radhë shpalos talentin e tij me goditjet e dënimit, duke mposhtur Kazijas me një gjuajtje të pakapshme. Por as Barcelona nuk arrin t’i japë goditjen përfundimtare kundërshtarit dhe me rastin e parë që i shfaqet, Kristiano Ronaldo shënon golin e barazimit 2-2 pas një pasimi perfekt të Ozil që e nxjerr të vetëm para Valdes.
Pavarësisht tentativave nga të dy krahët, ndeshja përfundon 2-2 dhe lë Barcelonën të pamposhtur në vendin e parë në renditje me 19 pikë, ndërsa Reali tashmë ka 11 pikë, por është në vendin e shtatë. (LajmeShqip.com)
Primera Division
Java 7 / Rezultatet
Levante-Valencia 1-0
22’ Martins
Majorka-Granada 1-2
86’ Hemed / 65’ (p) El-Arabi, 76’ Torje
Atletik Bilbao-Osasuna 1-0
12’ Aduriz
Barcelona-Real Madrid 2-2
31’ 61’ Mesi / 23’, 66’ Kristiano Ronaldo
Renditja: Barcelona 19 pikë, Atletiko Madrid 16, Malaga 14, Betis 12, Sevilja 11, Majorka 11, Real Madrid 11, Levante 10, Rajo Vajekano 10, Getafe 10, Vajadolid 10, Real Sociedad 9, Valencia 8, Granada 8, Atletik Bilbao 8, Selta Vigo 6, Real Saragoza 6, Deportivo La Korunja 6, Osasuna 4, Espanjol 2.
Zyrtare: Ançeloti kërkon të shkojë te Real Madrid!
Pas mbledhjes me trajnerin italian dhe pronarin e klubit parisien, Leonardo konfirmon kërkesën e largimti të Ançelotit
lexo më shumë »Dani Pedrosa triumfon në Le Mansh
Spanjolli dominon në pistën franceze në një garë argëtuese të ndikuar nga asfalti i lagur
lexo më shumë »Çelsi bëhet gati të largojë Torres
Klubi londinez është gati të përballet me humbjen e rreth 30 milion paund duke e larguar gjatë verës
lexo më shumë »Dëmtohet Humels, në rrezik finalja e Champions
Borusia Dortmund merr një lajm mjaft të keq një javë para ndeshjes historike me Bajern Mynih
lexo më shumë »Shtohet misteri mbi të ardhmen e Neimar
Babai i futbollistit deklaron se do të qëndrojë në Brazil, drejtuesit e Santos se nuk ekziston asnjë marrëveshje, ndërsa Vilanova se po bëhen negociata me palët
lexo më shumë »