|
|
e Hënë, 20 Gusht 2012 10:01 Kristiano Ronaldo ka deklaruar se Real Madrid i vërtetë do të shihet kur e gjithë skuadra të jetë në formë të mirë fizike, pasi të kalojnë ditët e fundit të përgatitjeve parasezonale që ndikuan në barazimin 1-1 përballë Valencias në ndeshjen e parë të kampionatit.
“Nuk jemi në formën më të mirë fizike, por kjo është normale. Ne do të mundohemi të jemi më mirë në të ardhmen. Ndjejmë keqardhje për këtë barazim, pasi bëmë maksimumin për të fituar. Kishim shumë raste për gol por nuk ishte e thënë që të shënonim përsëri”, u shpreh lojtari që në këtë ndeshje ishte shumë larg formës së tij të zakonshme.
Ndërkohë, një shqetësim shumë i madh për madrilenët ka qenë shtrimi me urgjencë në spital i mbrojtësit Pepe, pas goditjes që ka marrë në kokë në një përplasje me portierin Kazijas në momentin e shënimit të golit nga Valencia.
Lojtari ka kaluar gjithë natën në spital, ndërsa gjatë ditës së sotme do t’i nënshtrohet vizitave të tjera pasi madrilenët duan të sigurohen që ai nuk ka pësuar tronditje.
“A do të luajë Pepe të enjten? Unë shqetësohem për Pepe, jo për Superkupën. Ajo është thjesht një ndeshje, ndërsa unë mendoj për një lojtar që të jetë mirë me shëndet”, tha Zhoze Murinjo pas përfundimit të ndeshjes.
Edhe Kazijas nuk ka kaluar pa pasoja në këtë incident, ndërsa ka pranuar se nuk kujtonte asgjë nga momenti i përplasjes me shokun e skuadrës.
“Të them të drejtën, nuk mbaj mend asgjë nga ajo që ndodhi. Di vetëm që dola për të kapur topin dhe asgjë tjetër, të shohim se si është Pepe. Normalisht që duhej çuar në spital pasi dëmtimet në kokë janë gjithmonë serioze”, tha portieri i Realit. (LajmeShqip.com)
Neimar i jep fitoren Brazilit ndaj Meksikës
Sulmuesi shënon gol dhe jep asist në suksesin 2-0 që afron brazilianët me gjysmëfinalet e turneut
lexo më shumë »Mesi: Kemi zgjidhur telashet me ligjin!
Argjentinasi flet për problemet me taksat e papaguara dhe për jetën e tij, ndikimin në futboll dhe “ofertat e parefuzueshme”
lexo më shumë »Tiago Alkantara drejt Junajtid për një gabim llogaritje!
Klubi anglez është hedhur në sulm për lojtarin që ka një klauzolë largimi prej vetëm 18 milion eurosh
lexo më shumë »Reali i ofron Kristiano Ronaldos 155 milion euro
Portugezi do të përfitojë 15 milion euro në vit pa taksa, në atë që cilësohet kontrata më fitimprurëse e historisë së futbollit
lexo më shumë »Monako, 60 milion euro për El Sharaui-Boateng
Ofertë e çmendur e skuadrës franceze që kërkon dy futbollistët e Milanit
lexo më shumë »