Lajme Shqip Wednesday, 15 June 2011 10:46

Los-Anxhelos – Themeluesi i revistës për të rritur, “Playboy”, Hju Hefner, ka lajmëruar se janë anuluar planet për martesën e radhës pasi e fejuara e tij ka ndryshuar mendjen.

85 – vjeçari, Hefner, planfikonte të martohej me 25 vjeçaren, Kristal Harris, të shtunën në vilën e tij në Los Angjelos, ndërsa të ftuar ishin 300 veta.

Hefner kishte zgjedhur rrjetin social, Twitter, që të lajmërojë se “Harris e ka ndryshuar mendjen” dhe se martesa është anuluar.

Hefner kishte lajmëruar në dhjetor të vitit të kaluar se planifikon të martohet me Harris, e cila kishte pranuar të fotografohej si modele në revistën, “Playboy”.

Kjo martesë do të ishte e treta për Hefner, i cili njihet në tërë botën si përson që e përkrah lirinë seksuale dhe të drejtat civile individuale.