Lajme Shqip Monday, 15 April 2013 14:49

Ka pak kohë që është larguar nga aktivitetet artistike dhe në fakt ka një arsye të fortë. Mësohet se këngëtarja e mirënjohur Rezarta Shkurta është rreth tre muaj shtatzënë dhe ka shtyrë për më vonë të gjitha angazhimet tjera, për t’iu përkushtuar një ngjarjeje unike në jetën e një femre, siç është sjellja në jetë e një fëmije, njoftojnë mediet shqiptare.

E martuar prej shtatë vitesh me Ermal Hoxhën, këngëtarja 26-vjeçare ka bërë kuriozë shumë njerëz, për faktin pse në jetën e tyre nuk po hynte një fëmijë, meqenëse martesa e tyre mund të konsiderohet relativisht e gjatë. Bëhet e ditur se këngëtarja Rezarta Shkurta këto kohë po rri në Durrës pranë familjes së saj, ku krahas përkujdesjes së bashkëshortit, ka edhe atë të familjarëve të tjerë të saj.