Johnny Depp dhe Vanessa Paradis janë ndarë pas 14 vitesh së bashku.

Këtë lajm e ka konfirmuar për mediat amerikane publicisti i aktorit, i cili ka lajmëruar për “ndarjen miqësore” mes aktorëve.

“I lutem mediave që të respektojnë privatësinë e tyre dhe veçanërisht privatësinë e fëmijëve”, ka thënë ai.

Çifti ka dy fëmijë: Lily-Rose 13 vjeç dhe Jack 9 vjeç. Ata nuk janë parë më të shfaqen së bashku në publik që prej vitit 2010.

Kishte muaj që qarkullonin zëra për probleme në marrëdhënien e tyre, por Depp dhe Paradis gjithmonë i kanë përgënjeshtruar këto lajme.