Burri që hyri në adresën elektronike postare të Scarlett Johansson, duke i marrë fotot ku aktorja paraqitej lakuriq, do të paguajë 66 mijë dollarë dëmshpërblim.

Gjithashtu do të kalojë rreth 6 vite në burg dhe 150 mijë dollarë të tjera dëmshpërblim do të shkojnë për viktimat e tjera të tij, të gjithë emra të njohur të botës së kinematografisë dhe muzikës.

Hacker-i, i identifikuar si Christopher Chaney, u shpall fajtor nga një gjykatë federale e Los Angeles për hyrje në mënyrë të paligjshme në arkivat privatë të Christina Aguilera, Mila Kunis dhe Scarlett Johansson, por ishin fotot e kësaj të fundit që bënë xhiron e botës.

35-vjeçari ia dha fotot dy faqeve interneti që i bënë publike në sytë e gjithë botës.