Lajme Shqip Tuesday, 27 October 2015 09:45

Dje në shtypin rozë u publikua lajmi Flori dhe Geti, dy nga meshkujt që prodhojnë vazhdimisht hite në disko-grafinë shqiptare kanë vendosur të bashkëpunojnë. U tha se dueti është në fazën e avancuar dhe po incizohet në studion e Threedots.

Por nëse mendojmë se do mund ta dëgjojmë shumë shpejt këngën e re të dyshes, gabohemi. Kontaktuar nga Prive, Flori sqaroi se në çfarë stadi të realizimit është ky krijim muzikor.

‘Kemi pasë si ide të bëjmë diçka, por se kemi konkretizu akoma’ – është shprehur ai.

Megjithëse kënga nuk është në përfundim e sipër duke qenë në trajtën e idesë, për momentin mund të mjaftohemi me idenë që padyshim, ajo do të jetë një hit.

Ndryshe, ky duet do të jetë i dyti pas ‘Baby’ publikuar vite më parë që në kohen e lançimit ishte një ndër këngët më të dëgjuara.