Lajme Shqip Wednesday, 08 June 2011 13:27

Tiranë – Teksa ka përfunduar provimi i parë i Maturës Shtetërore, ai i Gjuhë-Letërsisë, specialistët u izoluan sot në ambientet e Agjencisë Kombëtare të Provimeve për të hartuar testin e Matematikës.

Për këtë provim, të cilit do t’i nënshtrohen të paktën 32 mijë maturantë, do të përgatiten 7 teste, sipas profilit të shkollave të mesme.

Specialistët e izoluar do të përfundojnë testet të mërkurën e javës së ardhshme më 15 qershor, dita edhe kur do të mbahet provimi i Matematikës. Testi do të ketë 25 pyetje, nga të cilat 13 me alternativa që përmbajnë 13 pikë dhe 12 të tjera janë me zhvillim, që vlerësohen me 37 pikë.