|
|
e Martë, 17 Korrik 2012 15:04 
Beograd – Diplomatët në Washington dhe Berlin po i kërkojnë Serbisë largimin e forcave të saj të sigurisë agjentëve të shërbimit sekret serb dhe pjesëtarëve të policisë nga veriu i Kosovws. E përditshmja beogradase Blic citon burime të saj që thonë se ndihmës/sekretari amerikan i shtetit Philip Gordon, gjatë vizitës në Beograd u ka kërkuar autoriteteve serbe largimin e forcave serbe të sigurisë nga Kosova.
Kjo kërkesë që e njëjta mësohet se vjen edhe nga Gjermania i është adresuar presidentit serb Tomislav Nikolic, dhe mandatarin për qeverinë e re, Ivica Dacic.
Ndihmës/sekretari amerikan Philip Gordon, citohet t’i ketë thënë autoriteteve në Beograd se “SHBA-të munden dhe duan të ndihmojnë, por Beogradi duhet ta ndërpresë përkrahjen për strukturat ilegale të sigurisë në veri të Kosovës”.
Gazeta citon burimet zyrtare gjithashtu që thonë se zyrtarisht dhe formalisht Serbia nuk ka forca të sigurisë në Kosovë, por ka rreth 400 zyrtarë të MUP-it, të cilët lëshojnë dokumente . Gjithashtu këto burime në Beograd sipas së përditshmes Blic thonë se janë të stërmadhuara raportet e shërbimeve sekrete të huaja që kanë vlerësuar se në veri të Kosovës ka rreth 2000 agjentë sekret të BIA-s.
Këta pjesëtarë të sigurisë së shtetit serb sipas raporteve të shumë shërbimeve inteligjente janë duke e mbajtur veriun e Kosovës nën ankth dhe pasiguri dhe duke kërcënuar forcat e NATO-së dhe misIonin e Bashkimit Evropian për Sundim të ligjit. (LajmeShqip.com)