Lajme Shqip Saturday, 29 June 2013 13:36

Tiranë – Kryesocialisti Edi Rama, nën cilësinë e kryeministrit të ri, edhe pse në fakt nuk e ka marrë ende detyrën zyrtarisht, është nisur për një vizitë në Kroaci, për të marrë pjesë në ceremoninë e hyrjes së këtij vendi në BE. Rama do të jetë përkrah kryeministrave dhe krerëve të shtetit të vendeve të ndryshme europiane.

“Sot në Zagreb për ceremoninë e hyrjes së Kroacisë në BE me krerët e shteteve e qeverive”, shkruan Rama në adresën e vet në Facebook.

Zyrtarisht ai duhet të presë shtatorin për të nisur punën e tij si kryeministër.