Lajme Shqip Tuesday, 21 July 2015 08:07

Mjekët e Qendrës Klinike Universitare (QKUK) porosisin barna që janë të shtrenjta e që nuk janë të domosdoshme për pacientët.

Është Barnatorja qendrore që është ankuar për porosi të madhe për barnat Bostenan, Daptomicin dhe Fingolimod, dy prej të cilave QKUK-ja do t’i blejë dyfish më shtrenjtë sesa çmimi real.

Për Bostenan do të paguajë 39 euro, e që në vendet e tjera paguajnë rreth 19 euro, ndërsa për Daptomicin do të paguajë rreth 85 euro, në vend të 45 eurove, shkruan sot “Koha Ditore”.

Numri i madh i kërkesave nga mjekët e tri klinikave ka bërë që QKUK-ja të hapë tender për këto barna, ndonëse për to ka zëvendësim dhe me çmime shumë të lira.

Gazeta ka siguruar një dokument të brendshëm të QKUK-së, në të cilin përshkruhet se si mjekët e tri klinikave kanë porositur shumë nga këto lloje të barnave me kosto të lartë. Barnatorja qendrore ka ankesa për porosi të madhe për barnat Bostenan, Daptomicin dhe Fingolimod.