Lajme Shqip Wednesday, 22 May 2013 13:13

Millan Baçeviq, ministër për Xehëtari e Planifikim Hapësinor ka deklaruar për mediat serbe se marrëveshja për Trepçën do të mbetet e pandryshueshme përkundër kundërshtimit të Ambasadës amerikane në Prishtinë.

“E gjithë xehja në “Trepçë” nxirret jashtë kufijve administrativë të Kosovës. Dhe këtu s’ka ndryshime”, citojnë mediat serbe ministrin Baçeviq.

Qeveria e serbisë nënshkroi kontratë për investime në Kombinatin Xehetar “Trepça”, me konsorciumin amerikan New Generation Power (NGP).

Ministri serb ka deklaruar se kontratën nuk mund ta ndryshojë Qeveria e Kosovës dhe as reagimi i ambasadës amerikane në Prishtinë.

Në Kosovë është kundërshtuar veprimi i Qeverisë serbe.

Agjencia Kosovare e Privatizimit ka reaguar duke vlerësuar se kontrata me konsorciumin amerikan është e paligjshme dhe e pazbatueshme.