Lajme Shqip Friday, 24 June 2011 14:35

Shkup - Presidenti i SHBA-së Barak Obama e vazhdoi gjendjen e masave të jashtëzakonshme për edhe një vit për Ballkanin Perëndimor.

Në kumtesën e Shtëpisë së Bardhë thuhet se akti është miratuar për shkak të kërcënimeve ndaj sigurisë kombëtare dhe interesave të jashtme politike të SHBA-së.

“Këto kërcënime vijnë nga persona të përfshirë në mbështetjen e dhunës ekstreme në Republikën e Maqedonisë si dhe në Ballkan dhe e pengon zbatimin e Marrëveshjes Paqesore të Ohrit, Marrëveshjes së Dejtonit në Bosnjë e Hercegovinë dhe Rezolutën 1244 në Kosovë. Për shkak të aksioneve të këtyre personave, të cilët janë kërcënim për paqen dhe përpjekjet ndërkombëtare për stabilizim të gjendjeve në Ballkan, presidenti amerikan Barak Obama e vazhdoi gjendjen e masave të jashtëzakonshme, të miratuar më 26 qershor të vitit 2001″, thuhet në kumtesë.