Prishtinë – Mbrojtja në procesin gjyqësor Klecka, ashtu edhe siç u ishte kërkuar nga gjykata sot kanë dorëzuar fjalën përfundimtare me shkrim për këtë proces.

Avokati mbrojtës, Tahir Rrecaj, tha se kanë kërkuar lirimin e të gjithë atyre që akuzohen në rastin Kelcka, sepse nuk ekziston asnjë dëshmi që me të cilin vërtetohet fajësia e tyre.

Madje, ai tha se prokuroria nuk ka bërë analiza të provave edhe në fjalën e saj përfundimtare që e ka deponuar paraprakisht në gjykatë.

Mbrojtja pret që të premten në orën 14 trupi gjykues të marrë vendim në favor të Fatmir Limajt dhe të tjerëve të përfshirë në procesin gjyqësor për rastin Klecka.