Lajme Shqip Sunday, 26 July 2015 10:47

Ish kryetari i Kuvendit të Kosovës, Jakup Krasniqi, duke komentuar çështja e intervistës së Presidentes dhënë dy TV -ve prestigjioze gjermane, ka thënë se kjo është për shkak të mënyrës se si ka ardhur në krye të shtetit, jo vetëm Jahjaga por edhe përfaqësuesit të tjerë në Kuvend, Qeveri, Gjyqësor dhe institucione të tjera publike.

Ai në rrjetin social facebook, ka shkruar se “shkopi i ulët”, ka pas mundësi të kapërcehet nga secili që është zgjuar më herët për t’u bërë përfaqësues i institucioneve.

Ja postimi i plotë i Krasniqit në facebook:

Dje, ndoshta tek ne është mediatizuar shumë çështja e intervistës së Presidentes dhënë dy TV -ve prestigjioze gjermane. Sikur vendi ynë ta kishte vetëm ketë problem, apo ky problem të shfaqej vetëm pas kësaj paraqitje. Le të kthehemi pak në retospektivë dhe le t’i shikojmë gjërat pa syze që nga mënyra sesi është ardhur në krye të shtetit!

Gjermanet e kanë një shprehje: “Ulet është vendosur shkopi”, thuhet për një pengesë që e kapërcen secili që “zgjohet më heret”. Po në cilin institucion te shtetit tonë, duke filluar nga Institucioni përfaqësues ( Kuvendi), ekzekutiv, gjyqësori apo institucion tjetër të pavarur të shtetit nuk e kemi vendos ur “ulet shkopin”?

Po a nuk janë liderët e tashëm që po e udhëheqin vendin, ata që në te gjitha institucionet e shtetit, duke filluar nga e para e vendit, kanë vendosur ketë shkop?

Ju lutem, shikojeni me vëmendje përbërjen e kabinetit qeveritar. Përvojën dhe angazhimin e atyre njerëzve në jetën politike e institucionale dhe jo vetëm ministrat, por edhe te këshilltarëve të tyre? Shikoni si udhëhiqen Ndërmarrjet Publike? Kudo është vendosur “ulet shkopi”! Me ketë shkop që kemi vendosur, sa mund të presim zhvillim dhe progres?

Pa dyshim, që te gjitha këto çështje duhet t’i trajtojmë seriozisht, për ta nxjerrë mësimin e duhur. A do të mund ta nxjerrim mësimin e duhur dhe sa jemi duke i trajtuar seriozisht problemet e grumbulluara ekonomike e shoqërore ? për momentin kam pak besim!!! Dëshira ime është që të jetë e kundërta e kësaj! Pasi secili nga ne do të fitonte.