Lajme Shqip Tuesday, 20 October 2015 13:59

Në vetëm tri ditë, mbi 10 mijë islandezë kanë firmosur një peticion që bën thirrje për lejimin e një familjeje shqiptare që të lejohet të qëndrojë në vendin e tyre. Peticioni, “Let dhe Albanian Telati family settle in Iceland” nisi tri ditë më parë nga gazetari dhe shkrimtari, Illugi Jokulsson.

“Ne, nënshkruesit nuk e kuptojmë pse familja Telati me pesë pjesëtarë nga Shqipëria nuk lejohet të qëndrojë këtu. Ne kërkojmë sa më urgjentisht të jetë e mundur që Drejtoria e Emigracionit të ndryshojë vendimin për dëbimin e familjes”, lexohet në tekstin e peticionit.

Pak pasi Drejtoria e Emigracionit nuk kishte regjistruar fëmijët në shkollë, ajo dha njoftimin për refuzimin e kërkesës për azil për familjen Telati.

Sipas autoriteteve islandeze, familja shqiptare nuk është përballë ndonjë rreziku imediat në Shqipëri edhe pse babai i kryefamiljarit Hasan Telati ka qenë figurë e njohur e Partisë Komuniste.

Kjo sipas familjes e ka bërë jetën e dyte mizerabël në periudhën post komuniste, ku ata janë përjashtuar nga shoqëria. Madje në drejtim të banesës së tyre ka pasur dhe të shtëna me armë.