Tuesday, 21 February 2012 09:00
Prishtinë – Kryeministri i Kosovës Hashim Thaçi po e interpreton Rezolutën 1244 të OKB-së si ruajtje të kufirit të Kosovës por nuk po e përmend fare se kjo rezolutë realisht parashikon kthimin e forcave serbe në Kosovë!…
Zhurma e ditëve të fundit ka ndarë edhe më tepër skenën politike të Kosovës.
Deri më tani nuk është dhënë ndonjë sqarim zyrtarë se në ç’farë kuptimi dhe në ç’masë do të fuqizohet Rezoluta 1244, rezolutë kjo në të cilën Beogradi është adresuar dhe ka kërkuar zbatimin e saj, ndërsa kryeministri Thaçi, dhe të gjithë politikanët e tjerë kosovarë në dhjetë vitet e fundit vazhdimisht e kanë konsideruar këtë rezolutë të pavlefshme dhe të tejkaluar.
Portali LajmeShqip.com sjell të plotë tekstin e kësaj rezolute e cila e konsideron Kosovën akoma si pjesë të Serbisë, i lejon forcave serbe kthimin në territorin e Kosovës, pjesëmarrjen e tyre në nivele të ndryshme, përfshirë “lejimin e kthimit të forcave serbe dhe jugosllave për t’iu lejuar kryerja e funksioneve të mëposhtme”:
Në pikën katër të kësaj rezolute thuhet se “pas tërheqjes do t’i lejohet kthimi një numri të personelit ushtarak dhe policor jugosllav dhe serb në Kosovë për t’i ushtruar funksionet në përputhje me aneksin 2”.
Megjithatë Thaçi, i ka quajtur antiamerikanë dhe antieuropianë të gjithë ata që kanë dilema për përdorimin e fusnotës së Rezolutës 1244. Në takimin e Këshillit Ndërministror për Integrime Evropiane, kryeministri ka thënë se kjo qasje negative, që e dëshiron Kosovën e izoluar, nuk do të lejohet dhe se e ardhmja e vendit dhe e gjithë rajonit është në Bashkimin Evropian.
Sipas tij, përfaqësimi rajonal dhe rregullimi i brendshëm i Kosovës janë dy çështje të ndryshme dhe se Kosova tani e tutje do të përfaqësohet në nismat rajonale me Deklaratën e Pavarësisë së Kosovës, Mendimin Këshillëdhënës të GJND-së dhe Rezolutën 1244, e cila njeh integritetin territorial të Kosovës.
Ndryshimi i pozicionit të Kosovës erdhi pas vizitës së zëvendës-sekretarit amerikan, William Burns.
Të gjithë ata që kanë harruar përmbajtjen e kësaj Rezolute, portali e sjell komplet dhe të shqipëruar këtë dokument praktikisht anti-Republikë e Kosovës. (LajmeShqip.com)
________________
1. Deklarata e Pavarësisë së Kosovës, 18 Shkurt 2008 këtu.
2. Vendimi i Gjykatës Ndërkombëtare të Drejtësisë në Hagë për pavarësinë e Kosovës: këtu.
3. Rezoluta 1244 (1999) (Data 10 Qershor 1999) ANGLISHT këtu.
4. Rezoluta 1160 (1998) (Data 23 Shtator 1998) ANGLISHT këtu.
5. Rezoluta 1199 (1998) (Data 31 Mars 1998) ANGLISHT këtu.
6. Rezoluta 1203 (1998) (Data 24 Tetor 1998) ANGLISHT këtu.
7. Rezoluta 1239 (1999) (Data 14 Maj 1999) ANGLISHT këtu.
