Lajme Shqip Sunday, 01 November 2015 20:26

Ratifikimi i Marrëveshjes së Stabilizim Asociimit nuk është i sigurt se mund të ndodh gjatë seancës së nesërme.së hënës.

Për t’u ratifikuar kjo marrëveshje duhen 2/3 e votave të deputetëve, mirëpo tri partitë opozitare ende nuk kanë vendosur se a do të marrin pjesë në këtë seancë.

Ata do të takohen në mëngjesin e së hënës për të vendosur për këtë çështje.

Këtë e ka konfirmuar për Tribuna Channel, Bilall Sherifi nga Nisma për Kosovën.

Sipas tij, ratifikimi i MSA-së nuk do të pengohet nga deputetët e opozitës, por ai nuk ka dhënë detaje se a do të marrin pjesë në këtë seancë, ngase sipas tij kjo mbetet që të vendoset nga liderët e partive.

“Për shkak të rëndësisë, nuk do ta bllokojmë seancën. Të hënën, drejtuesit e grupeve parlamentare të partive opozitare do t’i japin detajet rreth qëndrimit të përbashkët në lidhje me MSA-në”, ka thënë Bilalli.

Kurse, Tinka Kurti, nga Lëvizja Vetëvendosje, ka thënë se të tri partitë opozitare kanë vendosur më herët që mos të jenë prezentë në seancë për të ratifikuar MAS-në, për shkak se kanë shumë vërejtje për këtë marrëveshje, por sipas saj pjesëmarrja në seancë e deputetëve është duke u diskutuar.

Këtë seancë pritet ta bojkotojë edhe Lista Serbe.