Lajme Shqip Friday, 08 February 2013 15:13

Shkup – Disa qindra qytetarë kanë marrë pjesë në protestën e organizuar përpara Ambasadës së Serbisë në Shkup, prej ku është shprehur revolta për mënyrën e trajtimit të shqiptarëve të Luginës së Preshevës nga ana e institucioneve serbe.

Në ballë të protestuesve kanë qëndruar kryetari i SHVL-UÇK-së, Fazli Veliu, kryetari i OVL-UÇK-së, Besim Hoda, si dhe përfaqësuesit e Unionit Studentor të USHT-së.

Ambasada e Serbisë ka qenë e “blinduar” me policë, ndërsa kordoni ishte vënë në 300 metra largësi nga objekti.

Protestuesit kanë kërkuar rishikimin e vendimit për heqjen e lapidarit të UÇPMB-së, duke e quajtur antishqiptar dhe millosheviçian.(LajmeShqip.com)